Айсен Николаев оройуоннар уонна куораттар баһылыктарын салайар хамаандаларын саҥардалларыгар ыҥырда
Национальнай уонна эрэгийиэннээҕи бырайыактары олоххо киллэриигэ миэстэтигэр дьыалабыай уонна уопсастыбаннай эйгэҕэ тирэҕириэххэ, диэн Саха сирин баһылыга оройуоннар уонна куораттар баһылыктарын кытта мунньахха эттэ.
Аркадий Васильев, СИА
“Өрөспүүбүлүкэ иннигэр турар соруктары толорууга бары таһымҥа салайыы саҥа култуурата ирдэнэр. Барыта национальнай бырайыактары олоххо киллэриигэ олус суолталаах”, — диэн Айсен Николаев бэлиэтээтэ.
Ил Дархан оройуон, нэһилиэк уонна бөһүөлэк таһымыгар муниципальнай тэриллиилэр баһылыктарын кыахтарын үрдэтиигэ болҕомтону туһаайда. Тоҕо диэтэххэ, өрөспүүбүлүкэҕэ 41 федеральнай бырайыакка үлэ саҕаланна. Саха сиригэр уопсайа 65 млрд солкуобай киириэҕэ. Эрэгийиэннээҕи бырайыактар салайааччыларыгар өрөспүүбүлүкэ баһылыга олохтоох салайыныы уорганнарын кытта ыкса үлэлэһэргэ сорудахтаата.
Саха сирин баһылыга өрөспүүбүлүкэҕэ Сомоҕолоһуу сылынан “Муниципальнай хамаандалар. Сири-уоту сайыннарыы” бырайыак киирбитин санатта. “Оройуон баһылыктарын бэйэлэрин хамаандаларыгар биисинэс бэрэстэбиитэллэрин, уопсастыбаннай тэрилтэлэри кытыннаралларыгар көрдөһөбүн”, — диэтэ Айсен Николаев.
Аркадий Васильев, СИА