Айсен Николаев: оптимизацияны үлэ миэстэтин сарбыйыы эрэ курдук саныыр сыыһа

“Оптимизация буолла да, үлэ миэстэтин сарбыйыы курдук өйдөөһүн баар. Оннук буолбатах”, — диэн этэр Ил Дархан э.т. Айсен Николаев быһа эфир кэмигэр.

“Оптимизацияны үгүс салайааччы үлэ миэстэтин сарбыйыы курдук саныыр. Дьиҥэр, Стратегическэй чинчийии агентствота рекомендация эрэ быһыытынан ыытар, агентствo этиитэ бүтэһиктээх этии буолбатах. Үгүстэр агентствo этиитигэр сөпсөспөттөр. Мин эмиэ сорох пууннарга сөпсөспөппүн. Оптимизация үлэ көдьүүстээх буоларыгар туһуланыахтаах”, — диэн хоруйдуур Айсен Николаев Мэҥэ Хаҥаластан быһа эфир кэмигэр эрийэн кэлбит Николай Никифоров ыйытыытыгар.

Аграфена КУЗЬМИНА, “Саха сирэ” хаһыат.