Айсен Николаев: Олоҥхо дьиэлэрин өйүөхпүт

Бөлөххө киир:

Быйыл Үөһээ Бүлүүгэ буолбут Олоҥхо ыһыаҕын кэмигэр Ил Дархан Айсен Николаев олоҥхону өйүүргэ анал ыйаах таһаарбыта. Бу ыйаахха этиллэринэн, олоҥхо дьиэлэрэ биир ситиминэн сайдыахтаахтар, чулуу олоҥхоһуттарга, оһуохайдьыттарга, уустарга Ил Дархан анал стипендията ананыаҕа. Бу туһунан Ил Дархан Айсен Николаев бүгүн “Саха” НКИХ биэриитигэр бэс ыйын түмүгүн таһаарарыгар иһитиннэрдэ.

Эһиилгиттэн саҕалаан Олоҥхо дьиэлэрин көрүүгэ 50 мөлүйүөн солкуобай көрүллүөҕэ. Олоҥхо дьиэлэрэ бары биир ситиминэн сайдыахтаахтар. Сэттэ бастыҥ олоҥхоһукка, оһуохайдьыкка, ууска ый аайы 30 тыһыынча солкуобай стипендия бэриллэр буолуоҕа. Мин санаабар, бу үгэспитин сайыннара сылдьар дьоммутугар көмө уонна олоҥхобутун, үгэспитин сайыннарарбытыгар төһүү буолуоҕа, – диэн иһитиннэрэр кини.

Аграфена КУЗЬМИНА

+1
0
+1
0
+1
0
+1
0
+1
0
+1
0
+1
0