Айсен Николаев Ньурбаҕа элбэх оҕолоох Егоровтарга ыалдьыттаата

Ааптар: 
Бөлөххө киир:

Ил Дархан Айсен Николаев Ньурбаҕа оробуочай сырыытын кэмигэр, элбэх оҕолоох Дина уонна  Сергей Егоровтарга ыалдьыттаата. Эдэр ыал Антоновка сэлиэнньэтигэр олороллор. Биэс оҕолоохтор: Күннэй, Сайаана 12-рэ, Саян сэттэтэ, Күнчээнэ биэһэ уонна Кэрэчээнэ түөрдэ.

 

Былырыын Егоровтар Арассыыйатааҕы «Дьиэ кэргэн -2022» куонкуруска «Элбэх оҕолоох ыал» номинация кыайыылааҕынан буолбута.

«Бигэ туруктаах дьиэ кэргэн  –  биһиги өрөспүүбүлүкэбит инники тирэҕэ. Саха сиригэр дьиэ кэргэн үгэстэрин өрө туталлар, кырдьаҕастары ытыктыыллар. Бу сыаннастар көлүөнэттэн көлүөнэҕэ бэриллэллэр», —  диэн  Айсен Николаев эттэ.

Быйылгы үөрэх дьылынан Ил Дархан   оҕолорго оскуола тээбириннэрин  уонна үрүсээктэри, оттон кыраларга оонньуурдары бэлэхтээтэ.

Егоровтар айар куттаах дьиэ кэргэн. Ыал аҕа баһылыга Сергей тутуу хампаанньатыгар үлэлиир. Кини уопуттаах болуотунньук,  автомеханик. Дина  учуутал, иллэҥ кэмигэр  иистэнэрин, хоһоон суруйарын сөбүлүүр.  Улахан кыргыттар — Күннэйдээх  Сайаана  өрөспүүбүлүкэтээҕи уонна улуустааҕы куонкурустар кыайыылаахтара.

edersaas.ru

+1
0
+1
0
+1
0
+1
0
+1
0
+1
0
+1
0