Кыайыы Сүрүн Уопсастыба

Айсен Николаев: норуот хорсун быһыытын үйэтитэр ытык иэстээхпит

Бүгүн бүтүн дойду үрдүнэн Өйдөбүл уонна кутурҕан күнэ бэлиэтэнэр. 80 сыл анараа өттүгэр бу күн Аҕа дойдуну көмүскүүр улуу сэрии саҕаламмыта.

Саха Өрөспүүбүлүкэтин Ил Дархана Айсен Николаев Instagram ситимигэр 1941 сыл бэс ыйын 22 күнэ киһи-аймах баарын тухары, буолбут алдьархайдаах, иэдээннээх күннэртэн биирдэстэрэ буоларын бэлиэтээтэ.

«80 сыл анараа өттүгэр фашистскай Германия сэриини биллэрбэккэ эрэ Сэбиэскэй Сойууска саба түспүтэ. Бүгүн биһиги Аҕа дойдуну көмүскээн, биһиги олорор эйэлээх олохпут иһин сэриилэспит, олохторун толук уурбут, дойдуларыгар төннүбэтэх, күүтүүлээх Кыайыы күнүгэр тиийбэтэх  ытык дьоммутун өйдөөн-санаан ааһар күммүт», – диэн суруйар Ил Дархан.

Айсен Николаев биһиги норуоппут хорсун быһыытын туһунан ытык өйдөбүлү көлүөнэттэн көлүөнэҕэ биэрэн үйэтитэр биһиги көлүөнэ ытык эбээһинэспит диэн тоһоҕолоон эттэ.

 

0
0