Айсен Николаев Нерюнгриттан төрүттээх суох буолбут мотуруос төрөппүттэригэр «Эр санааланыы» уордьанын туттарда
Ил Дархан Айсен Николаев бүгүн Нерюнгри оройуонуттан төрүттээх, Украинаҕа байыаннай эпэрээссийэҕэ сылдьан, күн сириттэн суох буолбут ыстаарсай разведчик Денис Козновка анаммыт наҕарааданы кини дьиэ кэргэнигэр туттарда.
Сох буолбутун кэнниттэн кини РФ Бэрэсидьиэнин ыйааҕынан «Эр санааланыы» уордьанынан наҕараадаламмыта. Наҕарааданы саллаат төрөппүттэрэ Сергей Александрович уонна Наталья Валерьевна Козновтар ыллылар. «Кини сырдык олоҕун барытын төрөөбүт дойдутун туһугар толук биэрдэ. Саха сирин бары олохтоохторун ааттарыттан төрөппүттэригэр, аймахтарыгар уонна чугас дьонугар дириҥ кутурҕаммын тиэрдэбин. Кинини өрүү үтүө өйдөбүлүнэн ахтыахпыт, саныахпыт», — диэн Айсен Николаев эттэ.
Денис Кознов Тиихэй Акыйааннааҕы байыаннай уокурук муоратааҕы биригээдэтин 155-с батольонугар ыстаарсай разведчигынан сулууспалаабыта. Украинаҕа байыаннай эпэрээссийэни толорууга дьоруойдуу кыттыбыта. Кини быйыл ыам ыйын 22 күнүгэр ылбыт бааһыттан суох буолбута.
Ил Дархан ону тэҥэ мотострелковай рота пулеметчига Данил Васильевка «Хорсунун иһин» диэн мэтээли туттарда. Байыаннай эпэрээссийэҕэ кини ротата артиллерия ытыалааһыныгар түбэспитэ. Кини атаҕар таптарбыта эрээри, сатаан сыҕарыйар кыаҕа суох табаарыһын куттала суох сиргэ илдьибитэ. Дьону эвакуациялыырга көмөлөспүтэ.
Андрей Сорокин хаартыскаҕа түһэриилэрэ (СИА)