Айсен Николаев нэһилиэнньэттэн киирэр үҥсүүлэри учуоттуурга сорудахтаата

Бөлөххө киир:

Билигин өрөспүүбүлүкэ куораттарыгар уонна улуустарыгар сүрүн ноҕуруусканы доруобуйа харыстабылын бастакы сүһүөх звенолара сүктүлэр.

edersaas.ru

СӨ Ил Дархана Айсен Николаев  поликлиникаларга, оройуоннааҕы киин уонна учаастактааҕы балыыһаларга наадалаах көмөнү (тырааныспарынан хааччыйыыттан саҕалаан волонтердары үлэлэтиигэ тиийэ) оҥорорго суһал ыстааптарга эттэ.
«Дьон мэдиссиинэ көмөтүн бириэмэтигэр ылыахтаах, онтон дьиэҕэ эмтэнэллэригэр босхо эминэн хааччыллыахтаахтар. Онуоха амбулатория тохтоло суох үлэлиэхтээх», -– диэтэ Айсен Николаев улуустар уонна куораттар уокуруктарын баһылыктара кыттыылаах өрөспүүбүлүкэтээҕи суһал ыстаап мунньаҕар.
Оройуоннар баһылыктарыгар саҥа ыарыһахтар ахсааннарын, вируһу утары охсуһар эмтэр саппаастарын уонна куойка пуондатын хааччыйарга сорудахтаата. Ону таһынан муҥутуур элбэх дьон тиэс (тест) туттарарыгар ураты болҕомтону уурарга эттэ. Бу инфекцияны тарҕатыан сөптөөх, ол эбэтэр биллэр сибикитэ суох ыалдьар дьону быһаарарга наадалаах.
Ил Дархан ыарыһахха кэлэр мэдиссиинэ биригээдэлэригэр сыһыаннаах өйдөммөт кыһалҕалары эмиэ быһаарда.
Атыннык эттэххэ, дьиэҕэ суһал ыҥырыыга кэлэр мэдиссиинэ биригээдэлэрэ анаалыһы дьиэ кэргэн дьонуттан барыларыттан ылыахтаахтар. Онтон оҕо күүтэр дьахталлар поликлиникаларга көрдөрөр кэмнэригэр ковидка тиэһи булгуччулаахтык туттарыахтаахтар.
Айсен Николаев: «Дьокуускай куоракка суһал ыҥырыыга кэлэн баран дьиэ кэргэн сорох эрэ дьонуттан анаалыстары ылалларын, араас төрүөтүнэн аккаастыылларын туһунан үҥсүүлэр миэхэ киирэллэр», -– диэтэ, доруобуйа харыстабылын министиэристибэтэ уонна куораттааҕы суһал ыстаап маны чопчулуур схеманы оҥороллоругар эттэ.

Надежда ЕГОРОВА, «Саха сирэ» хаһыат, edersaas.ru.

Андрей СОРОКИН хаартыската

+1
0
+1
0
+1
0
+1
0
+1
0
+1
0
+1
0