Кулун тутар 25 күнүгэр Ил Дархан Айсен Николаев Muus uSTAR ыччат бэстибээлин кыттыылаахтарын кытары көрүстэ. Ил Дархан эдэр ыччакка баҕа санаатын эттэ уонна ыйытыыларга эппиэттээтэ.
Muus uSTAR – бу Саха Өрөспүүбүлүкэтин бырабыыталыстыбатын уонна «Синергия» корпорация бастакы кыттыгас бырайыактара. Бэстибээл генеральнай партнера «ЭльгаУголь» ХЭУо. Тэрээһин Саха сирин талааннаах ыччатын айар дьоҕурдарын, спортивнай, биисинэс, цифровой эйгэҕэ саҥа саҕалааһыннарын өйүүр былаһааккатынан буолуоҕа.
Ил Дарханы кытары көрсүһүүгэ көхтөөх ыччаттар кытыннылар. Кинилэр бу күннэргэ араас күрэхтэргэ, маастар-кылаастарга кытталлар.
Ил Дарханы кытары көрсүһүүгэ көхтөөх ыччаттар кытыннылар. Кинилэр бу күннэргэ араас күрэхтэргэ, маастар-кылаастарга кытталлар.
«Бу «пандемия кэнниттэн» Уһук Илиҥҥэ эрэ буолбакка, дойду үрдүнэн саамай улахан тэрээһин. Биһиги сыыйа урукку олохпутугар төннөн эрэбит. Биһиги талааннаах ыччаттарбыт араас хайысхаларынан күрэхтэһиилэргэ, маастар-кылаастарга кытта сылдьаллар. Бу тэрээһиннэри эһиги сөбүлээтэххитинэ, бу бэстибээли сыл ахсын ыытыахпыт», — диэн Айсен Николаев эттэ.
Айсен Сергеевич көрсүһүү түмүгэр худуоһунньук Мира Аргунова уруһуйдаабыт бэстибээл бэлиэтин ситэрэн уруһуйдаата уонна илиитин баттаата.
СӨ Ил Дарханын уонна Бырабыыталыстыбатын пресс-сулууспата
+1
+1
+1
+1
+1
+1
+1