Айсен Николаев Москваҕа “АЛРОСА” АХ Кэтээн көрөр сэбиэтин мунньаҕар кытынна
Муус устар 23 күнүгэр Айсен Николаев Москваҕа “АЛРОСА” АХ Кэтээн көрөр сэбиэтин мунньаҕар кытынна.
Тэрээһини Кэтээн көрөр сэбиэт бэрэссэдээтэлэ, Арассыыйа Федерациятын Бырабыыталыстыбатын Бэрэссэдээтэлин бастакы солбуйааччы – Арассыыйа Федерациятын үпкэ миниистирэ Антон Силуанов салайан ыытта. Мунньахха генеральнай дириэктэр – хампаанньа бырабылыанньатын бэрэссэдээтэлэ Сергей Иванов кытынна.
Кэтээн көрөр сэбиэт чилиэннэрэ 2018 сылга “АЛРОСА” АХ сыллааҕы отчуотун барыллаан бигэргэтэр туһунан дакылааты, 2018 сылга АЛРОСА Бөлөҕүн көдьүүстээх үлэтин сыллааҕы тутаах көрдөрүүлэрин толоруу туһунан отчуоту иһиттилэр уонна “АЛРОСА” АХ Кэтээн көрөр сэбиэтин корпоративнай салайыыга уонна үлэҕэ тиһигин тупсарыыга ыытыллар тэрээһиннэр былааннарын бигэргэтэр туһунан боппуруоһу көрдүлэр.
Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата