Айсен Николаев Мииринэй сайдыытыгар ыйаах таһаарда

Бөлөххө киир:

Ил Дархан Айсен Николаев Мииринэй оройуонун 2030 сылга диэри сайдыытын туһунан ыйаахха илии баттаата.

– Өрөспүүбүлүкэ хас биирдии оройуонугар, улууһугар дьон-сэргэ олорор усулуобуйатын тупсарыы барыахтаах. Мииринэйгэ бырамыысыланнас эрэ буолбакка, социальнай эйгэ эмиэ күүскэ сайдыахтаах. Бу оройуон оҥорон таһаарыыга, тулалыыр эйгэни харыстааһыҥҥа саҥаны киллэрии киининэн буолуохтаах, – диэн иһитиннэрэр Айсен Сергеевич ыйааҕар.

Ыйаахха экэниэмикэ бары хайысхаларыгар туһааннаах этиилэр киирбиттэр. Ол курдук, нэһилиэнньэ дохуоттаах буолуута 85 бырыһыаҥҥа тэҥнэһиэхтээх. Нэһилиэнньэлээх пууннары тупсаран оҥоруу көрдөрүүтэ 2018 сыллааҕар 1,5 төгүл үрдүөхтээх. 2030 сылга диэри хаарбах дьиэттэн дьону көһөрүү түмүктэниэхтээх. Ыйаахха суолу-ииһи оҥоруу, доруобуйа харыстабылын тупсарыы, судаарыстыбаннай уонна муниципальнай өҥөлөрү сыыппараҕа көһөрүү биир сүрүн миэстэни ылаллар.

Бырамыысыланнас эйгэтин ыллахха, СӨ бырабыыталыстыбата, Мииринэй оройуона “АЛРОСА” хампаанньаны кытары “МИР-Глубокий” руднигы тутууга ылсыаҕа. Арыылаахха агропромышленнай комплекс тутуллуоҕа. Чернышевскайдааҕы балык собуота үлэтин өссө хаҥатан биэриэҕэ. Ону таһынан былааҥҥа Мииринэй куорат, Таас Үрэх, Арыылаах саҥа оройуоннарын гаастааһын, ууну ыраастыыр систиэмэни тардыы, култуура кииннэрин, спортивнай саалалары, баһаарынай чаастары тутуу, о.д.а. социальнай тутуулар киирбиттэр.

Мииринэйгэ бэйэтигэр үөрэх кластера диэн арыллыаҕа. Манна бырамыысыланнаһынан дьарыктанар тэрилтэлэргэ исписэлиистэри бэлэмнээһин барыаҕа.

Аграфена КУЗЬМИНА

+1
0
+1
0
+1
0
+1
0
+1
0
+1
0
+1
0