Саха сиригэр коронавируснай инфекцияттан сылтаан саҥа хааччахтааһыннар киириэхтэрэ дуо? Ол вакцинация хаамыытыттан тутулуктаах диэн Айсен Николаев бырабыыталыстыба уочараттаах мунньаҕар эттэ.
Балаһыанньа ыарахан, күнтэн күн ыалдьыы, өлүү эбиллэ турар. Бүгүҥҥү күҥҥэ Чурапчы, Нам, Горнай, Амма, Уус Алдан, Усуйаана, Өлүөхүмэ улуустарыгар вакцинация таһыма мөлтөх.
Айсен Николаев Москваҕа курдук локдаун киириэ суоҕа диэн эттэ. Ол эрээри, балаһыанньа бу күннэргэ көммөтөҕүнэ, саҥа хааччахтааһыннар киириэхтэрин сөп. Биллэн турар, хааччахтааһыннар аччыгый, орто биисинэскэ охсуулаахтар, онон бу күннэргэ быһыыны ылыыны түргэтэтэр, харыстанар миэрэлэри тутуһарга өйдөтөр-сырдатар үлэни күүһүрдэр сорук турар.
Бу күннэргэ ыарыы эбиллэрин тохтотор туһугар, хас биирдиибит бэйэтин, чугас дьонун харыстыахтаах.
Ангелина Васильева, “Саха сирэ” хаһыат, edersaas.ru