Саха сиригэр бүгүн, кулун тутар 18 күнүгэр, «Крымская весна» диэн Крым Арассыыйа састаабыгар киирбит күнүн бэлиэтиир бэстибээл ыытыллар. Бэлиэ күҥҥэ анаан Дьокуускайга Комсомольскай болуоссакка үөрүүлээх тэрээһин буолла.
«Бүгүн дойду үрдүнэн улахан тэрээһини бэлиэтиибит. Бу күн барыбытыгар улахан суолталаах күн буолар. Аҕыс сыллааҕыта Арассыыйа бэйэтин дьылҕатыгар саҥа түһүмэҕи арыйбыта. Биһиги дойдубут дьоһуннаах инникитин талбыппыт! Быйыл уустук кэмҥэ бэлиэ күнү көрүстүбүт, Арассыыйа Сэбилэниилээх күүстэрэ Украинаҕа уонна Донбасска байыаннай эпэрээссийэни ыыталлар. Бу сыала — аҕыс сыл устата дьалхааҥҥа олорбут дьон олоҕун көмүскээһин. Маны бэрэсидьиэммит Владимир Владимирович Путин иһитиннэрбитэ.
Бүгүн биһиги дойдубутугар арҕааҥҥы дойдулар баттааһыннара, экэнэмиичэскэй агрессиялара баар. Кинилэр Арассыыйа экэниэмикэтин ыһар, уопсастыбаны хайытар, сүрүн сыаннастарбытыттан аккаастаннарар сыаллаахтар. Ол туолуо суоҕа диэн эрэнэбин. Хас биирдии гражданин бэйэтин быыбарын оҥорбута буолуо диэн эрэнэбин. Бэйэбитигэр эппиэтинэһи ылан туран күүскэ үлэлиэххэ, иннибит диэки барыахха, кыайыахха!
Туругурдун Саха Өрөспүүбүлүкэтэ! Туругурдун биһиги дойдубут – Улуу Арассыыйа!», — диэн Ил Дархан Айсен Николаев эттэ.