Айсен Николаев: «Коронавирустан харыстаныыга эппиэтинэстээхтик сыһыаннаһыахха»

Бүгүн, ахсынньы 15 күнүгэр, Ил Дархан Айсен Николаев Анал этиитигэр коронавируһу утары быһыныы ылыыга болҕомтотун уурда.

— Уопсастыбанан бары күргүөм харыстаныыга тиийиэхпитин наада. Өрөспүүбүлүкэ улахан нэһилиэнньэтин 70 %-а быһыы бастакы компоненын ылла, оттон Дьокуускай — 74%.

Абый, Аллайыаха, Эдьигээн, Ленскэй, Муома, Халыма үс улуустара бары быһыыны ылыы 80%-ын ситистилэр. Атын да улуустар олохтоохторо бу кутталлаах вирустан харыстаныыга эппиэтинэстээхтик сыһыаннаһыахтара диэн эрэнэбин.

Коронавируһу утары бохсууга күүскэ үлэ барарын да үрдүнэн, Саха сирин 1736 олохтооҕун сырдык тыына быһынна. Пандемия бастакы күннэриттэн Роспотребнадзор үлэһиттэрин кытта дьаҥҥа анаалыһы киэҥник тутан саҕалаабыппыт. Бу ыалдьыбыт дьон баарын түргэнник быһаарарбытыгар көмө буолла. Ыарыы үгэнигэр стационарга 3200 куойкаҕа тиийэ тэрийэ сылдьыбыппыт. Онон өрөспүүбүлүкэ бары балыыһаларыгар туох баар тустаах үлэ ыытыллар, — диэн Айсен Николаев эттэ.

Инньэ диэн туран, Ил Дархан Анал этии кэмигэр дьаҥы утары үлэҕэ бастакы күнтэн сылдьар эмчиттэри билиһиннэрдэ.