Айсен Николаев: «Коронавирус дьаҥын балаһыанньата уустугурда»

Бөлөххө киир:

Ил Дархан Айсен Николаев социальнай ситиминэн быһа биэриигэ коронавирус дьаҥар иҥэн-тоҥон тохтоото.

«Өрөспүүбүлүкэҕэ коронавирус дьаҥын балаһыанньата уустугурда. Кэлэктиибинэй иммунитет үөскээн эрэр, быһыыны ылыа суохтаахпыт, хааччахтанан олорууну сымнатыахтаахпыт, култуурунай-аралдьытар тэрилтэлэр толору эрэсииминэн үлэлиэхтээхтэр диэн  арыый да эрдэ эппиппит.  Ити түмүгэр коронавирус дьаҥынан ыалдьыы ахсаана лаппа эбиллэн эрэр.  Бүгүн өрөспүүбүлүкэ үрдүнэн 129 киһи дьаҥнаабыт.Ортотунан, 90 киһи ыалдьара. Хомойуох иһин, эдэр дьон, оҕолор  ыалдьыылара элбээбитэ биллэр. Роспотребнадзор ити үрдээһин туохтан тахсыбытын, дьон ханна  элбэхтик сыстарын барытын бэрэбиэркэлээн эрэр.

Үөрэх дьыла балаҕан ыйын 1 күнүттэн былаан быһыытынан саҕаланыаҕа. Доруобуйа харыстабылыгар тохтуур буоллахха,  өрөспүүбүлүкэтээҕи онкология  киинин болдьоҕор үлэҕэ киллэриэхпит. Тутуу хаамыыта кыраапыгынан  барар. Дьокуускай куоракка суолу өрөмүөннээһиҥҥэ  улахан үлэ ыытылла турар», — диэн кэпсээтэ.

edersaas.ru

+1
0
+1
0
+1
0
+1
0
+1
0
+1
0
+1
0