Ил Дархан Айсен Николаев өрөспүүбүлүкэ ис дьыалатын уорганнарын үлэһиттэрин идэлээх бырааһынньыктарынан эҕэрдэлиир.
Саха сирин салалтатын уонна тус бэйэм ааппыттан эһигини барыгытын идэлээх бырааһынньыккытынан — РФ ис дьыалатын уорганнарын күнүнэн — итиитик-истиҥник ис сүрэхпиттэн эҕэрдэлиибин!
Ис дьыала уорганнарыгар сулууспалааһын хайа да кэмҥэ олус үрдүктүк сыаналанара, бирисээгэҕэ, Ийэ дойдуга бэриниилээх, дьоҥҥо-сэргэҕэ ханнык баҕарар уустук, ыарахан түгэҥҥэ көмөҕө кэлии, дойду интэриэһин бастакы уочарат көмүскээһин чаҕылхай холобурунан буолар. Эһиги үлэҕэтигэр хайдах сыһыаннаһаргытыттан, түргэн-тарҕан туттунуугутуттан, биир санаанан салайтаран түмсүүлээх буоларгытыттан хас биирдиибит олоҕо тутулуктанар, эһиги эр санааҕытынан, дьулуургутунан, дьаныаргытынан дьон-норуот көмүскэлигэр, судаарыстыба бары эйгэтэ харгыһа суох сайдарыгар көмө-тирэх буолаҕыт.
Эһиги хас биирдиигит доруобуйаҕытын, сорох ардыгар бэйэҕит олоххутун, кэрэйбэккэ алдьархайга, иэдээҥҥэ түбэспит дьоҥҥо көмөҕө кэлэн хас күн аайы кырдьык иһин охсуһаҕыт, олох иһин туруулаһаҕыт. Саха сирин полициятын үлэһиттэрэ биир үйэттэн ордук кэм устата уопсастыбаннай бэрээдэк туһугар, өрөспүүбүлүкэ хас биирдии олохтооҕор куттала суох усулуобуйаны тэрийиигэ үлэлэһэн кэллигит, хас күн аайы буруйу оҥорууну, терроризмы, куорҕаллааһыны, арыгылааһыны, наркоманияны кытары охсуһан эрэгийиэммит экономикатыгар куттала суох буолуутун хааччыйаҕыт.
Үлэҕит түмүгүн туһунан этэр буоллахха, Уһук Илин федеральнай уокурукка Саха сиригэр буруйу оҥоруу көрдөрүүтэ саамай намыһах. Ол иһигэр ыарахан уонна ордук ыарахан буруйдары оҥоруу көрдөрүүтүнэн. Кэлиҥҥи уон ыйга профилактическай үлэлэр барбыттарын түмүгэр, соруйан киһи тыыныгар туруу, кырбааһын, халааһын, тиэхиньикэлэри уоруу ахсаана биллэ кыччаата. Ол иһигэр сокуоннай сааһын ситэ илик оҕолор буруйу оҥорон тутуллуулара эмиэ. Өрөспүүбүлүкэбитигэр буруйу оҥорууну тута арыйыы 9,8%, бөлөҕүнэн тэринэн оҥоһуллубут буруйдары арыйыы 23,2% үрдээтэ. Ити хас биирдиигит үлэҕит түмүгэ.
Убаастабыллаах, бэрээдэги көрөөччүлэр!
Эһиэхэ бу бырааһынньыктаах күҥҥүтүнэн өссө төгүл эҕэрдэлээн туран, Саха сирин социальнай-экономическай сайдыытыгар кылааккыт иһин дириҥ махталбын тиэрдэбин. Барыгытыгар кытаанах доруобуйаны, тус олоххутугар дьолу-соргуну баҕарабын!
СӨ Ил Дархана Айсен НИКОЛАЕВ