Ил Дархан э.т. Айсен Николаев бэҕэһээ Ил Түмэҥҥэ элбэх юрист уонна быраабы билэр идэлээх дьон баар буолуохтаах диэн эттэ:
— Өрөспүүбүлүкэҕэ билигин сокуон төрүтэ оҥоһулунна, салгыы саҥа таһымҥа тахсар наада. Бастатан туран, сайдыы институттарын туһатын күүһүрдүөхтээхпит, цифровой экэниэмикэҕэ, судаарыстыбаннай-чааһынай партнерствоҕа көһүөхтээхпит. Федеральнай Мунньах таһымыгар тиийэ быһаарсар, сокуоннары идэтийбит таһымнаахтык оҥорор юристар уонна быраабы билээччилэр наадалар. Быйыл буолбатах, 2024 сылга таҥыллар Ил Түмэни идэтийбит таһымҥа тиэрдиигэ бэлэмниэхтээхпит. Биллэн турар, ону норуоту, исписэлиистэри кытта ырытыһан, быһаарсан баран. Ол үлэни билигин саҕалыыр кэриҥнээхпит«.
Дьокутааттар ырытыһаллар
Маныаха, дьокутааттар Ил Дархан э.т. этиитин араастаан ылыммыттар. Холобур, Виктор Федоров дьокутаат диэн норуот бэрстэбиитэлэр, оттон юристары наймылаһан даҕаны Ил Түмэн аппаратыгар үлэлэтиэххэ сөп диир. Ону кытта Николаев этиитин өйүүр, үлэ хаачыстыбата тупсуо этэ — диир. Бэйэтэ Ил Түмэҥҥэ үлэлииригэр «юриспруденция»-ҕа үөрэммит. ХИФУ ректора Евгения Михайлова: «Реформаны оҥорор дьон профессионал буолуохтаахтар. Айсен Сергеевич юристары эрэ буолбакка, уопсайынан профессионаллар наадалар диэн эппитэ буолуо дии саныыбын», — диир.
Айсен Николаев икки нэдиэлэ үлэлээбитин тухары бары таһымҥа, эйгэҕэ киэҥ уларыйыы буоларын биллэрдэ. Билигин чунуобунньуктары, бэлиитиктэри кытта үлэлэһэр. Салгыы норуоту кытта көрсөр буолуохтаах.
Руслан Басыгысов.
Хаартыска: Мария Васильева.