Бэлиитикэ Сүрүн

Айсен Николаев: “Ийэлэр өйөбүллэрэ улахан көмө”

Бүгүн, балаҕан ыйын 26 күнүгэр, Ил Дархан Айсен Николаев анал байыаннай операцияҕа сылдьар байыастар, доброволецтар, мобилизацияҕа баран эрэр саллааттар ийэлэрин, кэргэттэрин, чугас дьоннорун кытары көрсүбүтэ. Көрсүһүү түмүгүнэн Айсен Николаев быһа эпиир кэмигэр санаатын эттэ.

Ийэлэри кытары уһуннук кэпсэттибит. Көрсүһүү кэмигэр кинилэр уустук уонна сөптөөх ыйытыылары туруорбуттара. Үөрэрим диэн, кэпсэтии кэмигэр РФ бэрэсидьиэнэ Владимир Путин ыйааҕын ким да утарбатын, бары өйүүллэрин иһитиннэрдилэр. Уолаттарбыт дойдубутун көмүскүү бараллар диэн этэллэр. Уустук балаһыанньаҕа түбэспит дьон быһыыны-майгыны быдан өйдүүллэр, кинилэр өйөбүллэрэ, санааларын бөҕөҕө биһиэхэ улахан көмө. Көрсүһүүгэ ийэлэр биир боппуруоһу туруордулар: тоҕо биһиги уолаттарбыт тустарынан киэҥ араҥаҕа тахсыбатый, кинилэр дьоруойдуу быһыылара ханна да кэпсэммэт диэн этэллэр. Ити бэлиэтээн этиини ылынабыт, – диэн этэр кини.

Ил Дархан байыастарбытыгар, кинилэр дьиэ кэргэттэригэр туох баар көмө барыта барыаҕын туһунан иһитиннэрдэ.

Аграфена КУЗЬМИНА

 

2
0
Telegram Whatsapp