Айсен Николаев «Хозяин Арктики» экологическай бырайыак тэрийээччилэрин кытары көрүстэ

Бөлөххө киир:

Бу күннэргэ Саха сиригэр «Хозяин Арктики» экологическай бырайыак кыттыылаахтара уонна тэрийээччилэрэ Арктикаҕа үрүҥ эһэлэр ахсааннарын  ааҕа кэллилэр. Бырайыак Росприроднадзор көҕүлээһининэн «Чистые моря» аан дойдутааҕы экологическай пуонданы кытары ыытыллар.

Ыам ыйын 13 күнүгэр СӨ Ил Дархана  Айсен Николаев бырайыак тэрийээччилэрин уонна кыттааччыларын кытары көрүстэ. Тэрийээччилэр Лаптевтар уонна Илиҥҥи-Сибиир муораларыгар үрүҥ эһэлэр популяцияларыгар авиаучуот ыытыахтара.

Айсен Николаев бырайыак тэрийээччилэригэр Арктика экологиятыгар болҕомто ууралларыгар махтанан туран: «Үрүҥ эһэлэр популяцияларын үөрэтии экологическай бырайыага научнай уонна үөрэтии бэрээдэгинэн ыытыллара  олус наадалаах. Хомойуох иһин, уларыта тутуу кэнниттэн үрүҥ эһэлэри ааҕыы систиэмэтэ суох ыытыллыбыта.  Экспедиция кэнниттэн научнай тэриллиилэргэ чопчу соруктар туруохтара диэн эрэллээхпин», — диэн эбэн эттэ.

«Чистые моря» экологическай пуонда генеральнай дириэктэрэ Василий Богословскай туһааннаах бырайыак икки түһүмэҕинэн ыытыллыахтааҕын иһитиннэрдэ. Бастакы түһүмэҕэ Саха сиригэр ыытыллыахтаах.  Ол курдук Тиксии аэропуордуттан  L-410 көтөр аалынан үрүҥ эһэлэри көрдөөһүн уон хайысханан ыытыллыаҕа.

СӨ Ил Дарханын  уонна бырабыыталыстыбатын пресс-сулууспата

+1
0
+1
0
+1
0
+1
0
+1
0
+1
0
+1
0