Айсен Николаев: “Хаарбах дьиэлэртэн көһөрүү тохтообот”

Бөлөххө киир:

Хаарбах дьиэттэн дьону көһөрүү бырагырааматынан билигин 2017 сылга диэри бу испииһэккэ киирбит дьиэлэри саҥардыы бара турар. Бырагырааманан тутулла сылдьар дьиэлэр бары олоххо киириэхтэрин туһунан Ил Дархан Айсен Николаев быһа эпиирин кэмигэр эттэ.

Хаарбах дьиэттэн дьону көһөрүү бырагыраамата тохтообот. Бу бырагырааманан тутуллар эбийиэктэри барыларын бэйэм хонтуруолбар илдьэ сылдьабын. Алдан оройуонун туһунан эттэххэ, манна кыһалҕа суох. Атын оройуоннарга дьиэлэри тутуу болдьоҕуттан хаалыы баар. Санатан эттэххэ, билигин бу бырагырааманан дьоннор саҥа кыбартыыраны эбэтэр уу харчынан ылыахтарын сөп. Ол эрээри сорох ардыгар дьоннор кыбартыыраларын сыанатын үрдэтэн да көрдөрөр түгэннэр баар. Хаарбах дьиэ хайдах даҕаны билигин биир кв м 100 тыһыынчаттан тахсыбат. Онон манна эмиэ бэрэбиэркэ барыаҕа, – диэн иһитиннэрдэ Айсен Сергеевич.

Ыспыраапка быһыытынан эттэххэ, былырыын Саха сиригэр 12 тыһыынчаттан тахса киһи саҥа дьиэҕэ көспүтэ. 2025 сылга диэри өрөспүүбүлүкэҕэ 61 тыһыынча киһи саҥа дьиэлэниэхтээх.

Аграфена КУЗЬМИНА

+1
0
+1
0
+1
0
+1
0
+1
0
+1
0
+1
0