Айсен Николаев Госсэбиэт мунньаҕар Уһук Илин Национальнай бырагырааматын билиһиннэриэҕэ
Саха сирин баһылыга Айсен Николаев балаҕан ыйын 4 күнүгэр Судаарыстыбаннай сэбиэт президиумун мунньаҕар сүрүн спикер быһыытынан тыл этиэҕэ.
Дойду саамай бөдөҥ эрэгийиэнин баһылыгар бүтүн макроэрэгийиэн – Уһук Илин 2025 сылга уонна 2035 сылга диэри кэскиллээх сайдыытыгар туһуламмыт Национальнай бырайыагы билиһиннэрэргэ итэҕэйдилэр.
Санаттахха, Айсен Николаев РФ Судаарыстыбаннай Сэбиэтин бэлэмнээһиҥҥэ оробуочай бөлөҕү салайар.
Национальнай бырагыраама барылын бэлэмнээһиҥҥэ бырабыыталыстыба, парламент, муниципальнай тэриллиилэр бэрэстэбиитэллэрин, учуонайдары сэргэ олохтоохтор, уопсастыбаннай тэрилтэлэр, биисинэһинэн дьарыктанааччылар кытыннылар. Субъектарга вице-премьер – РФ бэрэсидьиэнин боломуочуйалаах бэрэстэбиитэлэ Юрий Трутнев көҕүлээһининэн киэҥник дьүүллэһии барда. 230 тыһыынча киһи бэйэлэрин санааларын тириэртилэр, 16,5 тыһыынча этии киирдэ.
Санаттахха, төрдүс Илиҥҥи экэнэмиичэскэй форум түмүгүнэн Владимир Путин Уһук Илин 2025 сылга диэри уонна 2035 сылга диэри кэскиллээх сайдыытыгар Национальнай бырагырааманы оҥорорго сорудахтаабыта. Бу суолталаах докумуон Арассыыйа Бэрэсидьиэнин Ыйааҕынан бигэргэниэҕэ.
Балаҕан ыйын 4 күнүттэн 6 күнүгэр диэри ыытыллар бэһис Илиҥҥи экэнэмиичэскэй форум үлэтин сырдатар быһа биэриини бүгүн киэһэ “Якутия24” ханаалга көрүҥ.
Саха Өрөспүүбүлүкэтин Ил Дарханын уонна СӨ Бырабыыталыстыбатын пресс-сулууспата