Айсен Николаев эрэгийиэннэр салайааччыларын рейтиннэригэр инники күөҥҥэ сылдьар

Ааптар: 
Бөлөххө киир:

«Рейтинг» иһитиннэрэр киин «Национальный рейтинг» диэн бырайыагын чэрчитинэн, РФ эрэгийиэннэрин салайааччыларын рейтиннэрин оҥорон таһаарда.  Бу сырыыга ыам уонна бэс ыйдара хабылыннылар. 

Киин исписэлиистэрэ иһитиннэрэллэринэн,  рейтинг түмүгэ  эспиэртэр уопсастыбаларын бэрэстэбиитэллэрэ анкетаҕа эппиэттээбиттэринэн оҥоһуллан таҕыста. Кэтэхтэн ыытыллар ыйытыкка  Уильям Гордон («Синектики») сорох ньымата (методиката) туһаныллыбыт. Рейтинг бастакы бөлөҕөр Ил Дархан Айсен Николаев 25 салайааччы киирбититтэн ахсыс миэстэҕэ сылдьар (табылыыссаны көр). Санатар буоллахха, кулун тутар уонна  муус устар ыйдарга эмиэ ахсыс миэстэҕэ баара.  Бу олус үчүгэй көрдөрүү буолар.

РФ субъегын баһылыга РФ субъега
1 КАДЫРОВ Рамзан Ахматович Чечен Өрөспүүбүлүкэтэ
2 СОБЯНИН Сергей Семёнович Москва
3 ВОРОБЬЁВ Андрей Юрьевич Московскай уобалас
4 МИННИХАНОВ Рустам Нургалиевич  Татарстан Өрөспүүбүлүкэтэ
5 ДЮМИН Алексей Геннадьевич Тульскай уобалас
6 ДРОЗДЕНКО Александр Юрьевич Ленинградскай уобалас
7 АРТЮХОВ Дмитрий Андреевич Ямало-Ненецкэй автономнай уокурук
8 НИКОЛАЕВ Айсен Сергеевич Саха Өрөспүүбүлүкэтэ
9 МООР Александр Викторович Тюменскай уобалас
10 ЦИВИЛЁВ Сергей Евгеньевич Кемеровскай уобалас – Кузбасс
11 НИКИТИН Глеб Сергеевич Нижегородскай уобалас
12 КУЙВАШЕВ Евгений Владимирович Свердловскай уобалас
13 БУРКОВ Александр Леонидович Омскай уобалас
14 БЕГЛОВ Александр Дмитриевич Санкт-Петербург
15 МАХОНИН Дмитрий Николаевич Пермскай кыраай
16 ТРАВНИКОВ Андрей Александрович Новосибирскай уобалас
17 ХАБИРОВ Радий Фаритович Башкортостан Өрөспүүбүлүкэтэ
18 ГЛАДКОВ Вячеслав Владимирович Белгородскай уобалас
19 КОНДРАТЬЕВ Вениамин Иванович Краснодарскай кыраай
20 ШАПША Владислав Валерьевич Калужскай уобалас
21 АЗАРОВ Дмитрий Игоревич Самарскай уобалас
22 ТЕКСЛЕР Алексей Леонидович Челябинскай уобалас
23 НИКИТИН Андрей Сергеевич Новгородскай уобалас
24 КУВШИННИКОВ Олег Александрович Вологодскай уобалас
25 СТАРОВОЙТ Роман Владимирович Курскай уобалас

«Рейтинг» иһитиннэрэр киин анал таһаарыытыгар  Айсен Николаев  СӨ Ил Дарханынан  талыллан үлэлээн эрдэҕинэ, кинини «амбициознай стратег» диэн ааттаабыттарын ыйан туран,  эспиэрдэр, анаарааччылар Айсен Сергеевич чахчы салайар дьоҕурдааҕынан  ылыммыт соругун, былаанын барытын олоххо киллэрэн иһэр диэн быһаарбыттар. Айсен Николаев биир сүрүн ситиһиитинэн Саха сиригэр киһи хапытаалын улаатыннарыыта буоларын ыйбыттар. Ону тэҥэ,  Саха сирэ Арассыыйа үрдүнэн IT-индустрияны сайыннарыыга биир бастыҥнар, лиидэрдэр кэккэлэригэр баара элбэҕи туоһулуур.  2018 сылтан 2021 сылга диэри  Саха сирин баалабай бородууктатын оҥорон таһаарыыта 4,2 % үрдээбит. Бу манна  бырамыысыланнай оҥорон таһаарыы үрдээбитэ сүрүн оруолу ылбыт (+23,1 %).

Тутууга болҕомто күүскэ ууруллубут. Ол аата нэһилиэнньэ тупсаҕай усулуобуйаҕа олорорун хааччыйыы үрдээбит. 2022 сыл бастакы кыбаарталыгар  барыта 160 000 кв. м  дьиэ үлэҕэ киирэрэ ситиһиллибит. Саха сиригэр социальнай гаастааһын бырагырааматын олоххо киллэрии тэтимнээхтик ыытыллан иһэрин туһунан эспиэртэр ыйбыттар.   Материальанай өттүнэн кыаммат дьоҥҥо  биир кэмнээх көмө  100 тыһ. солк 150 тыһ. солк диэри улаатара ситиһиллибит. Холобур, социальнай гаастааһыҥҥа хапсар эрээри, кыаммат ыалларга көмө быһыытынан көрүллэр субсидия баар буолбута тустаах дьоҥҥо улахан көдьүүһү оҥорбут.

Бары билэрбит курдук, Саха сирин килиимэтэ эмискэ уларыйар айылгылаах. Маннык хабааннаах ураты сиргэ олорор дьоҥҥо көмөнү оҥорууга  Айсен Николаев өрүү болҕомтону уурарын эспиэртэр бэлиэтии көрбүттэр. Ол курдук, бу саас халаан уутуттан эмсэҕэлээбиттэргэ  көмө көрүллэрин туһунан эппитэ уонна бу боппуруоһунан РФ Бэрэсидьиэнин Уһук Илиҥҥэ боломуочуйалаах бэрэстэбиитэлэ Юрий Трутневы кытта  кэпсэппитэ.  РФ Ойуурун кодексатыгар уларытыыны киллэрэри көҕүлээбитэ эмиэ болҕомтоҕо ылыллыбыт.  Көтөр аалынан ардаҕы ыҥырыы ойуур баһаарын умуруоруу эрэ буолбакка,  тыа хаһаайыстыбатыгар туһааннаан сааскы ыһыыга искусственнай ардаҕы түһэриэххэ сөбүн туһунан туруорсуута болҕомто киинигэр сылдьар.

+1
0
+1
0
+1
0
+1
0
+1
0
+1
0
+1
0