Айсен Николаев Энэргиэтик күнүнэн эҕэрдэлээтэ

22.12.2020
Бөлөххө киир:
Ахсынньы 22 күнүгэр Арассыыйаҕа Энэргиэтик күнэ бэлиэтэнэр. Бу бэлиэ күнүнэн энергетическэй бырамыысыланнас үлэһиттэрин, бэтэрээннэри Ил Дархан Айсен Николаев эҕэрдэлээтэ.

— Энергетическэй салаа табыгастаах үлэтиттэн дьон-сэргэ олоҕун хаачыстыбата, өрөспүүбүлүкэ бырамыысыланнаһын, экэниэмикэтин сайдыыта  быһаччы тутулуктаах. Энэргиэтикэ салаата билигин сайда турара биһигини үөрдэр. Нэһилиэнньэни, туһааннаах эбийиэктэри уотунан-сылааһынан эрэллээхтик хааччыйыыга үлэ тохтоло суох ыытыллар. Быйыл пандемиянан сибээстээн экэниэмикэҕэ ыарахаттар үөскүү да сырытталлар,  өрөспүүбүлүкэ энэргиэтикэтэ дьоһун хардыылары оҥордо. Ааһан эрэр сылга  Өлөөҥҥө  4700 кВт кыамталаах  саҥа дизельнэй станция үлэҕэ киирдэ. Бүгүн Тиксиигэ тыал күүһүнэн үлэлиир дизельнэй комплекс аһыллыахтаах.

Билигин генерация эбийиэктэрин саҥардыы үлэтэ биһиги иннибитигэр турар. Инникитин кытыы, ыраах сытар оройуоннарга саҥа технологиянан үлэлиир итиэннэ  сөргүтүллэр энэргиэтикэни туһанан энергокомплекстар аһыллыахтара.

Саха сирин ураты энэргиэтикэтин сайыннарыыга дьоһун кылааттарын киллэрбит бэтэрээннэргэ, билигин үлэлии сылдьар энэргиэтиктэргэ  махталбын тириэрдэбин. Ситиһиилэри, кытаанах доруобуйаны, дьолу баҕарабын, — диэн Ил Дархан эҕэрдэ тылыгар эттэ.

+1
0
+1
0
+1
0
+1
0
+1
0
+1
0
+1
0