Айсен Николаев эмтэнэ сылдьар оҕолорго оонньуурдары бэлэхтээтэ

Саха сирин баһылыга Айсен Николаев Саха сирин кырачаан олохтоохторун Оҕо көмүскэлин күнүнэн эҕэрдэлээтэ уонна коронавируснай инфекцияттан эмтэнэ сытар оҕолорго өйү сайыннарар оонньуурдары бэлэхтиирин туһунан кэпсээтэ. Бу туһунан эрэгийиэн салайааччыта социальнай ситимнэргэ иһитиннэрдэ.

edersaas.ru

«Бүгүн инфекционнай балыыһаларга эмтэнэ сытар оҕолорго оонньуур бэлэхтииргэ быһаарынным. Билигин кинилэргэ вируһу утары охсуһууга ордук күүстээх өйөбүл эрэйиллэр!», — диэн истаграмҥа суруйда.

Ил Дархан оҕолор хас биирдии киһи олоҕун сырдаталларын, үөрүүнү-көтүүнү аҕалалларын, инникигэ эрэли биэрэллэрин туһунан суруйбут.

«Биһиги сүрүн сорукпут хас биирдии оҕо дьоллоох, доруобай буолалларыгар сытар. Сөптөөх билиини ылан, таптыыр дьыаланан дьарыктанан, өрөспүүбүлүкэ киэн туттар дьоно буола улааталларыгар кыһаныахтаахпыт! Оттон хас биирдии оҕо толору дьоллоох киһи буоларын туһугар биһиги кинилэргэ тапталы, кыһамньыны, болҕомтону бэлэхтиэхтээхпит!» — Айсен Николаев бэлиэтээн эттэ уонна үүнэр көлүөнэҕэ кытаанах доруобуйаны, дьолу баҕарда.