Айсен Николаев: «Тапталлаах куораппыт! Эдэрдии эрчимнээх Дьокуускайбыт, эн дохсун күүһүҥ-уоҕуҥ биһигини иннибит диэки дьулуурдаахтык хаамтарар!»
СӨ Ил Дархана Айсен Николаев социальнай ситимҥэ Саха сирин киин куората — Дьокуускай төрүттэммитэ 389 сылынан эҕэрдэлиир.
«Биһиги тапталлаах Дьокуускайбыт! Эдэрдии эрчимнээх куораппыт, эн дохсун күүһүҥ-уоҕуҥ биһигини иннибит диэки дьулуурдаахтык хаамтарар! Төрөөбүт күҥҥүнэн, дьоллоох Дьокуускай! Күн ахсын чэчирии, чэлгийэ, үүнэ-сайда тур, тапталлаах куораппыт!» – диэн Ил Дархан суруйар.
Куорат төрөөбүт күнүгэр Айсен Николаев тапталлаах куораппыт уон сыл инники сайдыытын сүрүн хайысхаларын быһаарар «СӨ киин куоратын – Дьокуускайы 2032 сылга диэри сайыннарыы туһунан» ыйаахха илии баттаата. Аҕа баһылык Дьокуускайы сайыннарыыга улахан сыаллары-соруктары туруорда – кэлэр уон сылга Дьокуускай олох хаачыстыбатынан уонна сайдыытынан дойду саамай бастыҥ куораттарын кытары биир кэккэҕэ туруохтаах.
+1
+1
+1
+1
+1
+1
+1