Бэҕэһээ, кулун тутар 15 күнүгэр, Дьокуускай баһылыга Айсен Николаев уопсастыбаннаһы кытта көрсүһүүтүгэр, аны күһүн балаҕан ыйыгар ыытыллар куорат мэрин быыбарыгар кыттарын туһунан иһитиннэрдэ.
Роман ПОПОВ, “Саха сирэ” хаһыат, https://edersaas.ru/
Айсен Николаев куорат салгыы сайдыытын тосхоллорун ыйан туран, биэс сыл иһигэр үгүс сытыы кыһалҕалары туоратары, олох-дьаһах усулуобуйатын тупсарары ситистибит, ол түмүгэр олохтоохторго куораттарынан киэн туттар санааны иитиэхтээтибит диэтэ.
Дьокуускай тас көстүүлүүн тупсубута, киэркэйбитэ дьон сыһыана уларыйыытын кытта быһаччы ситимнээҕин ыйан туран, куорат баһылыга олохтоохтор уопсай дьиэбитигэр дьиҥ хаһаайынныы сыһыаннаһар, эппиэтинэстээх, көхтөөх буолбуттарын бэлиэтээтэ.
Этиитин түмүгэр, Айсен Николаев быыбарга кыттар бырагырааматын оҥорсууга куорат олохтоохторун быһаччы кытталларыгар ыҥырда, Дьокуускай сайдыытын тосхоллорун дьиҥ-чахчы норуот бырагырааматынан оҥоруохха диэтэ. Уонна итиннэ анаан арыллыбыт AisenNikolaev.ru электроннай аадырыска бэйэлэрин этиилэрин, көрүүлэрин ыыталларыгар эттэ.
Роман ПОПОВ, “Саха сирэ” хаһыат, https://edersaas.ru/