Бэлиэтээн эттэххэ, 2019 сыл тохсунньу 1 күнүттэн Арассыыйа бары эрэгийиэннэрэ кытаанах коммунальнай бөҕү дьаһайыы саҥа систиэмэтигэр көспүттэрэ.
«Арассыыйа үгүс эрэгийиэнэ номнуо саҥа систиэмэҕэ көстө. Бу уһун уонна уустук реформа. Федеральнай киин бу олоххо киирэрин туһуттан элбэх миэрэни ылыммыта, билигин эрэгийиэннэр хайдах дьаһаналларыттан тутулуктаах. Билигин бара турар үлэлэр улахан кыһалҕалара суох саҕаламмыттара», — диэн премьер-миниистир Дмитрий Медведев бэлиэтээтэ.
Маны таһынан кини Арассыыйа бырабыыталыстыбатын өттүттэн саҥа систиэмэҕэ көһүү чэпчиирин туһугар араас миэрэлэр ылыналларын туһунан эттэ. Бу «Формирование комплексной системы обращения с твердыми коммунальными отходами» федеральнай бырайыак пааспарын ылыныы уонна 2019-2020 сылларга 2018 сыллааҕы тарыыбы хаалларыы буолар.
Билиҥҥи туругунан саҥа систиэмэҕэ 70 субъект көспүт, ол иһигэр — Саха сирэ. Үлэ көдьүүстээхтик барарын туһуттан өрөспүүбүлүкэни биэс зонаҕа араабыттара: киин, киин-илиҥҥи, соҕуруу, арҕаа уонна хоту-арктическай.
ysia.ru саайтан тылбаас.