Бүгүн, кулун тутар 28 күнүгэр, киэһэ 20 чааска Ил Дархан Айсен Николаев «Якутия24» телеханаалга «Якутия вперед» биэриигэ таҕыста.
edersaas.ru
Сүрүн кэпсэтии коронавирус тула барда. Билиҥҥитэ бу ыарыы 176 дойдуга тарҕанан, күн-түүн уодаһыннаах ыарыыга хаптарбыт киһи ахсаана элбии турар. Арассыыйа үгүс эрэгийиэннэригэр тарҕанан, Саха Өрөспүүбүлүкэтигэр номнуо 14 киһи коронавируһунан ыарыйда.
Үөскээбит быһыыны-майгыны учуоттаан, Айсен Николаев тэлэбиидэнньэ нөҥүө өрөспүүбүлүкэ олохтоохторуттан дьиэҕэ олороллоругар көрдөстө. «Билигин Саха сирин бары олохтоохторун коронавирус долгутар. Инфекция түргэнник тарҕамматын туһугар дьиэҕэ олоруохпутун наада. Кулун тутар 28 күнүттэн Арассыыйа үрдүнэн уһун өрөбүллэр биллэрилиннилэр. Атыы-эргиэн кииннэрэ, сынньанар сирдэр, өҥөнү оҥорор предприятиелар бары сабылыннылар. Тэрилтэлэр дьиэттэн олорон үлэҕэ көстүлэр. Бу барыта нэһилиэнньэ чөл, доруобай буоларын туһугар оҥоһуллар миэрэлэр. Онон дьиэҕитигэр олоруҥ диэн көрдөһүөм этэ», — диэн Ил Дархан эттэ.
edersaas.ru