Айсен Николаев: «Биотехнологическай кластер биһиэхэ сайдар кэскиллээх»

Бөлөххө киир:

Ил Дархан Айсен Николаев Саха сиригэр Инновация, наука, технология киинин сэргэ Биотехнология киинин тэрийэр наадатын туһунан бэҕэһээ суруналыыстары кытары көрсүһүүгэ бэлиэтээн эттэ.

Санатан эттэххэ, билигин Арассыыйа үрдүнэн Инновация, наука, технология кииннэрэ үлэлииллэр. Саха сиригэр эмиэ маннык киин тэриллэрэ былааннанар.

– Билигин биһиги учуонайдарбыт сэллик, гепатит курдук ыарахан ыарыыларга туһаныллар “Бетукладин” диэн препарат оҥорон таһаардылар. Бу препарат сэлликкэ, гепатикка эрэ буолбакка, билигин аан дойду үрдүнэн тарҕаммыт коронавирус ыарыытыгар туһаныллар. Ону сэргэ, быары үүннэрэн таһаарыыга биһиги Медицинабыт института улахан бырайыактаах. Аҥаардас ити да холобурдарынан ыллахха, биотехнологическай кластер уонна креативнай кластер биһиэхэ сайдар кэскиллээхтэрин көрдөрөр. Онон билигин биһиги тэтиммитин ыһыктыбакка эрэ салгыы үлэлиэхпитин наада, –  диэн бэлиэтиир Ил Дархан.

Аграфена КУЗЬМИНА

+1
0
+1
0
+1
0
+1
0
+1
0
+1
0
+1
0