Айсен Николаев: «Бүгүн Бэс Күөлүгэр бастакы дьиэ сыбаайата түһэрилиннэ»

Бүгүн Горнай улууһун Бэс Күөлүгэр үөрүүлээх күн – бастакы саҥа дьиэ сыбаайата түһэрилиннэ.

Бастакы дьиэ хаһаайыннара — Саввиннар. Олохтоохтор харахтарыгар истиҥ үөрүү кыыма чаҕыллыбытыттан, сарсыҥҥы күҥҥэ эрэллэрэ үөскээбититтэн мин дьоллоохпун.

Бастакы уон дьиэни бэйэлэрин уоллара Андрей Данилов салайар «ТуймаадаСтрой» хампаанньа тутар буолбутуттан Бэс Күөлүн дьоно-сэргэтэ үөрдэ. Андрей Лукич дьиэлэр үчүгэй хаачыстыбалаах тутуллалларын уонна этиллибит болдьоҕо үлэҕэ киллэриллэллэрин мэктиэлиир. Мин онуоха эрэнэбин, кыстыгы көрсө ыаллар толору хааччыллыылаах, саҥа дьиэлэригэр киириэхтэрэ диэн Айсен Сергеевич бүгүн бэйэтин instagramыгар суруйда.

Раиса Сибирякова, «Саха сирэ», edersaas.ru