Айсен Николаев: Арассыыйа 2030 сылга диэри туруоруммут соругун барытын олоххо киллэриэҕэ
РФ бэрэсидьиэнэ Владимир Путин эрэгийиэннэргэ социальнай-экэнэмиичэскэй көмө туһунан мунньах ыытта. Ил Дархан Айсен Николаев кыттан Саха сирин балаһыанньатын туһунан кэпсээтэ.
Айсен Сергеевич иһитиннэрбитинэн, Саха сирэ РФ Бэрэсидьиэнэ уонна бырабыыталыстыбата нэһилиэнньэ дохуотун үрдэтиигэ киллэрбит бары этиилэрин өйүүр. Нэһилиэнньэ дохуоттаах буолуутун ситиһии, үлэ миэстэтин таһаарыы инники күөҥҥэ турар боппуруостар буолуохтара.
– Бэйэ дьыалатынан дьарыктанар дьоҥҥо судаарыстыбаннай хантараагынан абаансанан көмө кэлиитэ 50 % улаатыаҕа. Өрөспүүбүлүкэ уонна оройуоннар таһымнарыгар манна туһааннаах докумуон тахсыаҕа. Итини сэргэ, хонтуруоллуур уорганнар өттүлэриттэн бэрэбиэркэни ыытыыны кыччатыы, сайдыы институттарын үлэлэрин көрүү салгыы ыытыллыаҕа. РФ Бэрэсидьиэнэ РФ Бырабыыталыстыбатыгар, эрэгийиэннэргэ дойду 2030 сылга диэри туруоруммут национальнай сыаллара-соруктара бары олоххо киириэхтээхтэр, ыйыллыбыт инфраструктуралар, төһө да ыарахаттар баалларын иһин, тутуллуохтаахтар диэн эттэ, – диэн бэлиэтиир Айсен Сергеевич.
Аграфена КУЗЬМИНА