Айсен Николаев: «Дьокуускай куоракка өссө 20 киһи анаалыһа коронавирус дьаҥын көрдөрдө»

Бүгүн, ыам ыйын 5 күнүгэр, Ил Дархан Айсен Николаев эрэгийиэҥҥэ коронавирус балаһыанньатын туһунан брифинг ыытта.

edersaas.ru

Айсен Николаев киин куоракка балаһыанньа уустугун бэлиэтээн  эттэ.

«Бүгүҥҥү  туругунан өрөспүүбүлүкэ үрдүнэн барыта 331 киһи коронавирус дьаҥынан ыарыйда. Бүгүн эбии 20 киһи ыарыйда. Дьокуускай куорат 20 саҥа ыарыһаҕыттан  биэһэ офтальмология балыыһатыттан сыстыһыы буолар.  Офтальмологическай балыыһаҕа тахсыбыт сыстыһыыны чинчийии үлэтэ түмүктэннэ. Манна балыыһа салалтата  Доруобуйа харыстабылын министиэристибэтин ыйаахтарын, сыстыганнаах ыарыы кэмигэр тутуһуллар быраабыланы  кэһиитэ көһүннэ. Өрөспүүбүлүкэ атын улуустарыгар ыарыһах эбиллиитэ суох», — диэн эттэ Айсен Николаев.

Ньургуйаана Иванова, “Саха сирэ”  хаһыат, edersaas.ru

Хаартыска интэриниэттэн