Бүгүн, муус устар 15 күнүгэр Ил Дархан Айсен Николаев эрэгийиэҥҥэ коронавирус балаһыанньатын туһунан брифинг ыытта.
Айсен Николаев ааспыт күн түмүгүнэн өрөспүүбүлүкэ үрдүнэн эбии 3 киһи коронавируһунан ыалдьыбытын иһитиннэрдэ.
Дьокуускай куорат Мархатыгар олорор, Үөһээ Дьааҥы улууһуттан өссө кулун тутар саҕаланыытыгар кэлбит киһи анаалыһа бигэргэнэн, балыыһаҕа киирбит. Кинини кытта алтыспыт дьон быһаарылла уонна анаалыс туттара сылдьалларын Ил Дархан кэпсээтэ.
Эбии икки түбэлтэ Алдаҥҥа тахсыбыт. Биир ыарыһах ырыынакка үлэлээбит биир бастакынан ыалдьыбыт киһиттэн сыстыбыт, иккис киһи Кисловодскайтан Москванан кэлбит ыарыһах дьиэ кэргэниттэн сутуллубут.
Ленскэй улууһугар эбии ыалдьыбыт киһи суох.
Ньургуйаана Иванова, “Саха сирэ” хаһыат, edersaas.ru
Хаартыска — интэриниэттэн.
+1
+1
+1
+1
+1
+1
+1