Айсен Николаев кулун тутар 19 күнүнээҕи балаһыанньаны билиһиннэрдэ (АУДИО)
Суһал эрэсиим кэмигэр өрөспүүбүлүкэ Ил Дархана Айсен Николаев күн ахсын суруналыыстары кытта көрсөн санаа үллэстэр, бүтэһик сонуннары иһитиннэрэр.
Ол курдук, ЯТЭК дириэктэрин кытта алтыспыт 38 киһи сабаҕалааһын быһыытынан маннааҕы «Роспотребнадзор» бэрэбиэркэтинэн коронавируска уорбаланар диэтэ.
Маны сэргэ, сааскы сынньалаҥ кэмигэр оҕолору дьиэлэригэр олороллоругар, элбэх дьон тоҕуоруһа мустар сиригэр сылдьыбаттарыгар сүбэлээтэ.
Билиҥҥи туругунан Саха сиригэр доруобуйа харыстабылыгар сыһыаннаах тэриллэринэн, эмп-томп саппааһынан хааччыллан олорорбутун иһитиннэрдэ уонна кулун тутар 11 күнүгэр «Аэрофлот»уонна кулун тутар 12 күнүгэр «S7» рейстэринэн көтөн кэлбит дьон Саха сиринээҕи Роспотребнадзор тэрилтэҕэ тиийэн бэрэбиэркэлэниэхтэрин наадатын ыйда.
Ульяна ЗАХАРОВА, edersaas.ru