Айсен Николаев Валерий Фальковтуун Саха сиригэр, Уһук Илиҥҥэ үрдүк үөрэхтээһин уонна наука сайдыытын боппуруостарын дьүүллэстилэр
Саха сирин баһылыга Айсен Николаев Арассыыйа наукатын уонна үрдүк үөрэхтээһинин миниистирин Валерий Фалькову кытта көрүстэ. Өрүттэр өрөспүүбүлүкэҕэ уонна Уһук Илиҥҥэ үрдүк үөрэхтээһин уонна наука сайдыытын боппуруостарын дьүүллэстилэр.
Айсен Николаев уонна Валерий Фальков макро-эрэгийиэҥҥэ бүтүннүүтүгэр сыһыаннаах Уһук Илин үрдүк үөрэх кыһаларыгар бүддьүөт миэстэтин ахсаанын улаатыннарыыны дьүүлэстилэр. Уһук Илин үрдүк үөрэх кыһаларыгар федеральнай бүддьүөт суотугар устудьуоннар ахсааннарын элбэтии – эрэгийиэн экэниэмикэтэ каадырга наадыйыытыгар олоҕуран – нэһилиэнньэ, чуолаан, ыччат, Арассыыйа киин өттүгэр көһөн барыытын кыһалҕатын быһаарыаҕа.
Федеральнай миниистири кытта көрсүһүүгэ өрөспүүбүлүкэ баһылыга Уһук Илин түөрт эрэгийиэнин – Саха сирин, Магаданы, Чукотканы уонна Камчатканы холбуур “Север” научнай-үөрэтэр киини тэрийэр туһунан Саха Өрөспүүбүлүкэтин көҕүлээһинин туһунан билиһиннэрдэ.
Көрсүһүүгэ Саха сирин баһылыга М.К.Аммосов аатынан Хотугулуу-Илиҥҥи федеральнай университет мэдиссиинэ институтун виварийдаах үөрэтэр –лабораторнай куорпуһун тутуу туһунан эмиэ кэпсээтэ. Өрүттэр ону тэҥэ Саха Өрөспүүбүлүкэтигэр наука уонна үрдүк үөрэхтээһин сайдыытын сытыы боппуруостарын ырыттылар.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата.
Хаартыска: РФ Наукаҕа уонна үрдүк үөрэхтээһиҥҥэ министиэристибьэтин пресс-сулууспата биэрдэ.
Бэлэмнээтэ Женни Стрюкова.