Айсен Николаев РФ Оборонатын миниистирин Сергей Шойгуну кытта көрүстэ

Бэҕэһээ, ахсынньы 13 күнүгэр, Москваҕа Саха сирин Ил Дархана Айсен Николаев РФ Оборонатын миниистирин Сергей Шойгуну кытта көрүстэ диэн Ил Дархан уонна бырабыыталыстыба пресс-сулууспата иһитиннэрэр. 

Көрсүһүүгэ салайааччылар өрөспүүбүлүкэ хоту өттүгэр инфраструктура бөдөҥ бырайыактарын быһаарарга бииргэ үлэлиир былааннарын ырыттылар.

Айсен Николаев Булуҥ оройуонугар Тиксии бөһүөлэгэр тутулла турар үһүс ПВО дивизиятын олохтуур блочно-модульнай куорат үлэтин сырдатта. Манна 11 эбийиэк киириэҕэ — уопсайдар, дьаһалта куорпуһа, дизельнэй электростанция, ууну уонна уматыгы харайар эбийиэк, остолобуой уонна гараас.

Ил Дархан тутуу РФ Оборонатын миниистирин 2018 сыллааҕы сорудаҕынан бара турарын бэлиэтээтэ.

edersaas.ru