Айсен Николаев уонна Владимир Богданов Ленскэйгэ ньиэптээх уонна гаастаах саҥа сири арыйдылар
Саха сирин баһылыга Айсен Николаев уонна «Сургутнефтегаз» генеральнай дириэктэрэ Владимир Богданов балаҕан ыйын 21 күнүгэр Ленскэйгэ ньиэптээх уонна гаастаах саҥа сири үөрүүлээх быһыыга-майгыга арыйдылар.
«Сургутнефтегаз» 15 сыл тухары Илин Сибиир сирин баайын туһаҕа таһаарар. Ааспыт сылга бу эрэгийиэнтэн 9 мөл. туонна ньиэби хостообуттара. Оттон бу саҥа арыллыбыт сир саппааһа 40 мөл. туоннаҕа тиийэр.
Айсен Николаев эҕэрдэ тылыгар Саха сирин ньиэбин бырамыысыланнаһыгар бэлиэ күн үүннэ диэтэ:
— 15 сыллааҕыта «Сургутнефтегаз» сир баайын туһаҕа таһаарарын саҕана Таалакааҥҥа туох даҕаны суоҕа. Оттон бүгүн хампаанньа көмөтүнэн бу сир уларыйбытын уонна өрөспүүбүлүкэ ньиэбин бырамыысыланнаһа сайдыбытын көрөбүт. Онон, Владимир Леонидовичка уонна хампаанньа кэлэктиибигэр махтанабыт. Ленскэйдээҕи ньиэптээх уонна гаастаах сир туһаҕа тахсан, ньиэби хостооһун улаатыа диэн эрэнэбин. Манан эрэ муҥурдаммакка, өссө саҥа арыйыылар Саха сирин, «Сургутнефтегаз» уонна Арассыыйа сайдарын туһугар баар буоллуннар.
«Сургутнефтегаз» генеральнай дириэктэрэ Владимир Богданов саҥа сир арыллыыта хампаанньа уонна Саха сирин бырабыыталыстыбата бииргэ үлэлээһиннэрин үтүө түмүгэ диэн бэлиэтээтэ:
— Арассыыйа топливно-энергетическэй бырамыысыланнаһын саҥа кэмин арыйдыбыт. Олус кылгас кэм иһигэр Айсен Николаев баһылыктаах Саха сирин былааһын уорганнарын уонна Ленскэй оройуонун кытта үлэлээммит арыйдыбыт. Маннык өйөөһүнэ суох сири өр уонна улахан ороскуоттаахтык арыйыахпыт этэ. Биһиги өрөспүүбүлүкэни кытта биир сыаллаахпыт — эрэгийиэни сайыннарыы, дьон тупсаҕайдык олорорун хааччыйыы.
СӨ баһылыгын уонна бырабыыталыстыбатын
дьаһалтатын пресс-сулууспата.