Айсен Николаев геологическай чинчийиигэ сабаҕалыыр-көрдүүр хайысханы күүһүрдэргэ ыйда
Атырдьах ыйын 29 күнүгэр Мииринэйгэ Гаас-ньиэп бастакы форумун кэмигэр Айсен Николаев “АЛРОСА” аахсыйалаах хампаанньа геологическай чинчийэр комплексын соруктарын көрүүгэ сүбэ мунньаҕы ыытта.
Мунньахха 2019 сылга геологияҕа чинчийэр үлэлэр былааннарын толорууну көрдүлэр, 2020 сыл былаанын уонна сир баайын туһанааччыларга лицензиялааһын боппуруоһун дьүүллэстилэр. “АЛРОСА” Бөлөҕүн геологическай чинчийэр комплексын соруктарын туһунан “АЛРОСА” хампаанньа кылаабынай геолога Константин Гаранин уонна хампаанньа геология көрдүүр үлэҕэ отделын начаалынньыга Илья Серов тыл эттилэр.
Мунньаҕы түмүктүүрүгэр өрөспүүбүлүкэ баһылыга Айсен Николаев геологияҕа чинчийии көдьүүһүн үрдэтэр туһуттан сабаҕалыыр-көрдүүр хайысханы уонна бу үлэлэри научнай арыаллааһыны күүһүрдэргэ ыйда.
Мунньахха “АЛРОСА” АК генеральнай дириэктэрин солбуйааччы Алексей Дьячковскай, СӨ Бырабыыталыстыбатын Бэрэссэдээтэлин бастакы солбуйааччы Алексей Колодезников, СӨ геологияҕа уонна бырамыысыланнаска миниистирэ Максим Терещенко, Мииринэй оройуоу баһылыга Ришат Юзмухаметов, СӨ сир баайын туһаныыга управлениетын начаалынньыга Игорь Лацановскай уо.д.а. кытыннылар.
Саха Өрөспүүбүлүкэтин Ил Дарханын уонна
Саха Өрөспүүбүлүкэтин Бырабыыталыстыбатын пресс-сулууспата.