«Айсен Николаевтыын быһа сибээс» муус устар 26 күнүгэр ыытыллыаҕа

«Айсен Николаевтыын быһа сибээс» Өрөспүүбүлүкэ күнүн иннинэ, муус устар 26 күнүгэр, киэһэ 19.00 чаастан саҕаланыаҕа.

Ил Дархан Саха сирин олохтоохторун интэриэһиргиир боппуруостарыгар эппиэттиэ, Саха сирин инники сайдыытын туһунан бэйэтин тус санаатын үллэстиэ.

Трансляция «Саха» НКИХ, «Якутия24» телеханаалларга уонна «Тэтим» араадьыйаҕа ыытыллыаҕа.

Айсен Николаевка быһа сибээс кэмигэр устуудьуйаҕа эрийэн боппуруоскутун ыйытыаххытын сөп. Маны таһынан, voprosglave@sakha.gov.ru электроннай аадырыска толору ааккытын-суолгутун, дааннайдаргытын суруйан ыйытыаххытын сөп.