Доруобуйа Сүрүн

Ил Дархан Айсен Николаев хааччахтыыр миэрэлэри сымнатта

Бүгүн, ахсынньы 3 күнүгэр, күнүс 12 чаастан Ил Дархан Айсен Николаев өрөспүүбүлүкэҕэ эпидемиологическай балаһыанньа туһунан брифиҥҥэ кэпсээтэ.

Айсен Николаев: «Бүтэһик кэмҥэ дьаҥ туруга аматыйда. Ыалдьыбыт дьон ахсаана аҕыйыыр. Бу, бастатан туран, Дьокуускай куоракка көстөр. Ону кытта ыарахан туруктаах ыарыһах ахсаана эмиэ аҕыйаан иһэр. Бу барыта бары бииргэ үлэбит улахан түмүгэ буолар: былаас, уопсастыба, биисинэс, хааччахтыыр миэрэлэри тутуһуу уонна, биллэн турар, дьон көхтөөхтүк быһыыны ылыыта буолар. Дьокуускай улахан нэһилиэнньэтин 70 %-на быһыы бастакы компоненын ылла. Нэһилиэнньэни дьаҥы утары быһыыны ыларга көхтөөх буоларыгытыгар ыҥырабын.

Үгүс дьон, тэрилтэ көрдөһүүтүнэн, QR-куоду туһанар буолбуппутунан сибээстээн уларытыылары киллэрдибит, маныаха ыйаах таҕыста. Суһал ыстаабы кытта мунньахтаан баран, маннык диэн быһаардыбыт. Уопсастыбаннай аһыыр сирдэр үлэлэригэр уларытыылары киллэрдибит, чуолаан 100 кв. м. тахса иэннээх саалалаах сирдэргэ. Балар урукку эрэсииминэн үлэлиэхтэрэ, санитарнай тэйиччини тутуһуу суох буолуоҕа. 100 киһиэхэ диэри ыалдьыттаах банкеттары ыытыахха сөп.

Спортивнай тэрээһиннэр ыытыллалларын көҥүллээтибит, ол эрээри билиҥҥитэ көрөөччүтэ суох ыытыллыахтара.

Парикмахерскайдар, SPA-солуоннар, фитнес-саалалар урукку хааччаҕа суох үлэлиэхтэрэ».

Итиэннэ киинэ тыйаатырдарын саалаларын туолуута 70 %-ҥҥа диэри улаатта диэн Ил Дархан бриҥин кэмигэр иһитиннэрдэ.

Сиһилии ыйаахха ааҕыҥ: https://www.sakha.gov.ru/news/front/view/id/3295973

Аудио:

Мария Васильева (СИА) хаартыската.

 

0
0