Айсен Николаев РФ экэнэмиичэскэй сайдыыга миниистирин кытта көрүстэ
Саха сирин Ил Дархана Айсен Николаев РФ экэнэмиичэскэй сайдыыга миниистирин Максим Решетниковы кытта көрүстэ. Көрсүһүүгэ инфекционнай балыыһаны тутуу боппуруостарын уонна эрэгийиэн тэрилтэлэригэр субсидия көрүллүүтүн туһунан кэпсэттилэр.
Манна Айсен Николаев өрөспүүбүлүкэҕэ национальнай бырайыактар болдьохтон хаалбакка олоххо киирэн иһэллэрин иһитиннэрдэ. 2020 сылга Саха сиригэр 36 эбийиэккэ тутуу уонна саҥардыы үлэтэ 48 эрэгийиэннээҕи бырайыак чэрчитинэн ыытыллар.
Кэпсэтиигэ «ОДьКХ» уонна «ЛОРП» тэрилтэлэри өйөөһүн туһунан боппуруоска болҕомто уурулунна.
Ил Дархан миниистири кытта Өрөспүүбүлүкэтээҕи инфекционнай балыыһа тутуутун үбүлээһин Федеральнай адреснай инвестиционнай бырагыраамаҕа киирэрэ наадатын ырытта. Билиҥҥи туругунан, эрэгийиэҥҥэ инфекционнай салаа оҕо балыыһатыгар уонна өрөспүүбүлүкэтээҕи клиническэй балыыһаҕа баар.
Көрсүһүү түмүгэр Максим Решетников эрэгийиэн бары күүһүн олох тупсарыгар соруктанан, национальнай сыаллар туолууларыгар уурарыгар бэлиэтээтэ.
edersaas.ru