Айсен Николаев «Куттала суох уонна хаачыстыбалаах суоллар» национальнай бырайыак олоххо киириитин тула мунньахха кытынна

Бөлөххө киир:

Сэтинньи 18 күнүттэн Москваҕа XIV норуоттар икки ардыларынааҕы «Арассыыйа тырааныспара» диэн форум үлэлиир. Форумҥа СӨ Ил Дархана Айсен Николаев салалталаах эрэгийиэн делегацията көхтөөх кыттыыны ылар.

Форум иккис күнүн сүрүн тиэмэтинэн «Куттала суох уонна хаачыстыбалаах суоллар» национальнай бырайыак 2020 сылга түмүктэрин уонна кэлэр сылга соруктарын тула буолла.  Тэрээһин РФ Бырабыыталыстыбатын бэрэссэдээтэлин солбуйааччы Марат Хуснуллин салалтатынан ыытылынна. Манна кини национальнай бырайыактар РФ Бэрэсидьиэнэ Владимир Путин дойду гражданнарын олохторун таһымын үрдэтэр сорукка хайысхаланалларын бэлиэтээн эттэ.

Нацбырайыак биир сүрүн соругунан магистраллары уонна муосталары тутуу, өрөмүөннээһин буолар. 2020 сыл түмүгүнэн Саха сиригэр 534,94 км массыына суолун киллэрэр былааннанар: 185,47 км федеральнай, 221,87 км эрэгийиэннээҕи уонна 127,6 км муниципальнай.

«Куттала суох уонна хаачыстыбалаах суоллар» национальнай бырайыак биир олоххо киирбит бырайыагынан «Кэбээйи» сылы эргиччи айаныыр суолун арыллыыта буолар.

Саха сиригэр бу национальнай бырайыак олоххо киириитин түмүктэрин туһунан Ил Дархан Айсен Николаев: «Нацбырайыак уонна тырааныспар инфраструктуратын сайыннарыыга атын бырайыактарын көмөлөрүнэн биһиги бу сылга суолу өрөмүөннээһиҥҥэ үрдүк көрдөрүүнү ыллыбыт. Бүгүҥҥү күҥҥэ өрөмүөннэммит, саҥардыллыбыт, тутуллубут федеральнай уонна эрэгийиэннээҕи суол тыһыынча аҥаара килэмиэтирэ буолла. Маннык көрдөрүү биһиги өрөспүүбүлүкэбитигэр хаһан даҕаны буолбатаҕа. Инникитин даҕаны бу тэтими ыһыктыбат санаалаахпыт», — диэтэ.

Ил Дархан этэринэн, кэлэр сыллааҕы былаан таҥыллыбыт. «Кэлэр 2021 сыл — Өлүөнэ муостатын мэҥэ бырайыагын олоххо киириитэ саҕаланар сыла. Муоста тутулуннар, тырааныспар структурата бэрээдэктэниэ этэ», — диэн Айсен Сергеевич бэлиэтээтэ.

edersaas.ru

+1
0
+1
0
+1
0
+1
0
+1
0
+1
0
+1
0