Айсен Николаев Москваҕа «тырааныспар нэдиэлэтин» тэрээһиннэригэр кыттар

Ил Дархан Айсен Николаев оробуочай сырыынан Москваҕа баар. Кини «тырааныспар нэдиэлэтин» тэрээһиннэригэр кыттар диэн пресс-сэкирэтээрэ Афанасий Ноев иһитиннэрэр.

Афанасий Иванович бэлиэтииринэн, өрөспүүбүлүкэ баһылыга XIV норуоттар икки ардыларынааҕы «Арассыыйа тырааныспара-2020» пленарнай кэпсэтиигэ кыттар, итиэннэ федеральнай салайааччылары кытта көрсүөҕэ.

«Тырааныспар нэдиэлэтэ» тэрээһини РФ Бырабыыталыстыбатын дьаһалынан РФ Тырааныспарга министиэристибэтэ сыллата ыытар. Бу форумҥа дойду тырааныспарга кыһалҕаларын, инниктин туһунан кэпсэтэллэр, ырыталлар.

Тэрээһин Роспотребнадзор ирдэбилин барытын тутуһан ыытыллар.

Ил Дархан уонна Бырабыыталыстыба пресс-сулууспата.