«Пугало» киинэ устар бөлөҕүн Ил Дархан наҕараадалаата

Бөлөххө киир:

Бүгүн, балаҕан ыйын 25 күнүгэр, Ил Дархан Айсен Николаев «Пугало» киинэ айар бөлөҕүн кытта көрүстэ. Манна режиссер Дмитрий Давыдов, оператор Иван Семенов уонна сүрүн оруолу толорбут Валентина Романова-Чыскыырай кыттыыны ыллылар.

«Кинотавр» киинэ бэстибээлэ 31 сыл устата ыытыллыбытын тухары саха киинэтэ маннык улахан ситиһиилэнэ илик этэ. Эһиги үлэҕит миигин сөхтөрдө. Бэстибээл дьүүллүүр сүбэтэ уонна кириитиктэр үрдүк сыанабыллара элбэҕи этэр», — диэн Айсен Николаев эттэ.

Дмитрий Давыдов кини киинэтин ситиһиитэ бүтүн саха киинэтин ситиһиитинэн буоларын эттэ. Устар бөлөх үрдүк таһымнаахтык үлэлээбитин бэлиэтээтэ уонна саҥа бырайыактары толкуйдуу сылдьарын туһунан Ил Дархаҥҥа кэпсээтэ.

Оттон киинэҕэ сүрүн оруолу толорбут Валентина Романова-Чыскыырай быйыл Лондоҥҥа тахсыбыт пластинкатын Айсен Николаевка бэлэхтээтэ. «Бу миэхэ олус күндү пластинка буолар, эн коллекцияҕар баар буоллун», — диэн туран, кини бэлэҕин туттарда.

Ил Дархан ыйааҕынан, киинэ ускуустубатыгар ситиһиитин, айымньылаах үлэтин уонна «Кинотавр» бэстибээлгэ кыайыытын иһин режиссер Дмитрий Давыдов «СӨ Ускуустубатын үтүөлээх диэйэтэлэ» бэлиэнэн наҕараадаланна.

Валентина Романова уонна Иван Семенов Ил Дархан Грамоталарын туттулар. Маны сэргэ Айсен Николаев устар бөлөххө үс мөлүйүөн солкуобай суумалаах сэртипикээти туттарда.

Ил Дархан уонна бырабыыталыстыба пресс-сулууспата.

Андрей Сорокин хаартыскаҕа түһэриилэрэ.

+1
0
+1
0
+1
0
+1
0
+1
0
+1
0
+1
0