Айсен Николаев Табаһыт күнүн олохтоото
· - Олох-дьаһах

Айсен Николаев Табаһыт күнүн олохтоото

Бүгүн, атырдьах ыйын 9 күнүгэр, Ил Дархан Айсен Николаев Саха Өрөспүүбүлүкэтигэр хас сыл ахсын, кулун тутар ый бастакы субуотатыгар бэлиэтэнэр Табаһыт күнүн олохтуур туһунан 1368 №-дээх ыйааҕы таһаарда.

edersaas.ru

Ил Дархан төрүт олохтоох, аҕыйах ахсааннаах хотугу омуктар үгэстэрин, төрүт дьарыктарын харыстааһыҥҥа, салгыы сайыннарыыга табаһыттар сүҥкэн оруоллаахтарын, табаны иитии салаата өрөспүүбүлүкэ экэниэмикэтин сайдыытыгар улахан суолталааҕын бэлиэтээтэ.

Бу Ыйаах табаһыт идэтин үрдэтиигэ, төрүт олохтоох, аҕыйах ахсааннаах хотугу омуктар үгэстэрин, төрүт дьарыктарын сайыннарыыга табаһыт оруолун билиниигэ итиэннэ табаһыттар олохторун илгэтин сайыннарыыга туһуланар.

Өрөспүүбүлүкэҕэ таба ахсаанын элбэтиигэ, таба салаата туруктаахтык сайдарыгар, ол иһигэр эдэр табаһыттары көҕүлээһиҥҥэ улахан болҕомто ууруллар. Арктиканы сайыннарыыга уонна хотугу омуктар дьыалаларыгар министиэристибэ Арктика улуустарыгар түөрт сылтан итэҕэһэ суох үлэлээбит, 35-гэр диэри саастаах эдэр табаһыттарга олорор усулуобуйаларын тупсарыыга 1 мөлүйүөн солкуобайдаах биир кэмнээх көмөнү көрөр туһунан «Эдэр табаһыт» бырайыагы ырытан оҥордо. Өрөспүүбүлүкэ 21 улууһугар – төрүт олохтоох, аҕыйах ахсааннаах хотугу омуктар түөлбэлээн олорор сирдэригэр, 48 таба хаһаайыстыбата, 236 эдэр табаһыт баар, ол иһиттэн Арктика зонатыгар 164 эдэр табаһыт үлэлиир. Бэйэлэрин саастарынан итиэннэ үлэлээбит сылларынан кинилэр биир кэмнээх көмөнү ыларга хапсаллар. Социальнай төлөбүргэ сайаапкалары хомуйуу Тыа хаһаайыстыбатын министиэристибэтигэр ыытыллар. Бу туһунан Ил Дархан уонна Бырабыыталыстыба пресс-сулууспата иһитиннэрэр.

Раиса Сибирякова, «Саха сирэ» хаһыат, edersaas.ru

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

9 − 9 =