Айсен Николаев: «Үөрэх балаҕан ыйын 1 күнүттэн хайаан даҕаны саҕаланыахтаах дии саныыбын»

Бүгүн, атырдьах ыйын 4 күнүгэр, 12:00 чааска Саха сирин Ил Дархана Айсен Николаев эрэгийиэҥҥэ коронавирус балаһыанньатын туһунан брифинг ыытта.

Ил Дархан Айсен Николаев:

— Бүгүн Суһал штаб мунньаҕар саҥа үөрэх дьылыгар бэлэмнэнии боппуруостарын кэпсэттибит. Нэдиэлэ бүтүөр диэри Дьокуускай куорат дьаһалтатыгар Роспотребнадзор салалтатын кытта мунньах ыытыллыаҕа. Манна куоракка үөрэх сыла үгэс быһыытынан хайдах саҕаланыан сөбүн быһаарсыахтара. Өрөспүүбүлүкэ үрдүнэн манна эмиэ үлэ барар, СӨ бырабыыталыстыбата хонтуруоллуур. Үөрэх балаҕан ыйын 1 күнүттэн хайаан даҕаны саҕаланыахтаах дии саныыбын.

Олус элбэх боппуруос былааннаммыт диспансеризация уонна госпитализация тула киирэр. Дьокуускайга балаһыанньа үчүгэй буоллаҕына, кэлэр нэдиэлэттэн бигэргэтиллибит кыраапыгынан саҕаланыахтара. Билигин диспансеризация уонна госпитализация 22 улууска ыытылла турар.

edersaas.ru

Хаартыска — СИА.