Айсен Николаев РФ доруобуйа харыстабылын миниистирин кытта көрүстэ

Айсен Николаев Москваҕа оробуочай сырыытын кэмигэр РФ доруобуйа харыстабылын миниистирэ Михаил Мурашколыын көрүстэ. Көрсүһүү кэмигэр 2020 сыллааҕы саамай тыын суолталаах боппуруос — коронавируһу утары охсуһуу туһунан кэпсэтии таҕыста.

edersaas.ru

«Бүгүҥҥү туругунан коронавируһунан ыалдьыы 5034 түбэлтэтэ бэлиэтэннэ. Билигин 1 158 киһи эмтэнэр. Мантан 60%-на дьиэлэригэр, 40%-на балыыһаҕа», — диэн Ил Дархан Айсен Николаев кэпсээтэ.

Ил Дархан өрөспүүбүлүкэҕэ доруобуйа харыстабылын балаһыанньатын туһунан кэпсээтэ. Ол курдук ааспыт сылга 7 тыһыынча киһи үрдүк технологиялаах медицинскэй көмөнөн туһаннылар. 10 фельдшерскай-акушерскай пуун үлэҕэ киллэриллибитэ. Өрөспүүбүлүкэҕэ онкологическай диспансер онкоклиническай киинин, кардиососудистай киин иккис уочараттара тутулла тураллар. «Развитие детского здравоохранения» бырагыраама иитинэн 13 оҕо поликлиниката уопсайа 129 мөл. солк. суумаҕа медицинскай тэрилинэн хааччылыннылар.

Билигин Дьокуускай куоракка 245 куойкалаах инфекционнай балыыһа тутуллуутун боппуруоһа турар. «Пандемия бу боппуруоһу өссө күүркэттэ. Онон өрөспүүбүлүкэҕэ аныгы COVID-Киин наада», — диэн Айсен Сергеевич бэлиэтээн эттэ. Бу этиини кытары Михаил Мурашко сөбүлэстэ.

Националльнай медицина киинин саҥардыы боппуруоһа кэмиэ көтөҕүлүннэ.

edersaas.ru