Айсен Николаев тыа хаһаайыстыбатын сайдыытын боппуруостарыгар мунньах ыытта
Саха сирин баһылыга Айсен Николаев өрөспүүбүлүкэ тыатын хаһаайыстыбатын салаатын сайдыытыгар сүбэ мунньаҕы ыытта. Чуолаан, регион агропромышленнай кыаҕын олоххо киллэрэр миэрэлэр тустарынан кэпсэттилэр. Мунньах кыттыылаахтара сүрүн соруктары дьүүллэстилэр.
Мунньахха Айсен Николаев астааһын-таҥастааһын кээмэйин улаатыннарыыны уонна олохтоох бородууксуйаны батарыыны көҕүлээһини ситиһиигэ агропромышленнай тэрилтэлэри судаарыстыба өттүттэн өйүүр миэрэлэри үрдэтиигэ ураты болҕомтотун уурда.
Чуолаан, Ил Дархан тыа хаһаайыстыбатын оҥорон таһаарааччыларыгар судаарыстыба өйөбүлүн ньымаларын тупсарар туһунан эттэ. Ону тэҥэ тыа сиригэр дьоҕус уонна орто предпринимательствоны көҕүлээһиҥҥэ болҕомтотун туһаайда.
Ыйыллыбыт тумус тутуллар соруктары олоххо киллэриигэ үп өҥөтүнэн хааччыйыыны кытта сибээстээх судаарыстыбаннай өйөбүл идэтийбит кэлимсэ миэрэлэрин олоххо киллэриэхтээхпит.
Баһылык агропромышленнай комплекс тыа хаһаайыстыбатын тэрилтэлэрэ үп тиксимтиэ уонна аныгы ресурсаларынан хааччыллыахтаахтар, итилэр өрөспүүбүлүкэ агропромышленнай салаатыгар дьоҕус уонна орто предпринимательствоны сайыннарыыга табыгастаах усулуобуйаны тэрийиигэ төһүү буолуохтаахтар диэтэ. Өрөспүүбүлүкэ бу салаатын саҥардыыга “Дьоҕус уонна орто предпринимательство” национальнай бырайыагы олоххо киллэрии, ону тэҥэ “Саха Өрөспүүбүлүкэтин тыатын хаһаайыстыбатын сайдыытын стратегическай хайысхаларын туһунан” Саха сирин Ил Дарханын Ыйааҕынан олохтоммут сүрүн соруктары ситиһии көмөлөһүөҕэ.
Саха сирин Бырабыыталыстыбатын бэрэссэдээтэлин солбуйааччы Денис Белозеров иһитиннэрбитинэн, туруоруллар соруктары олоххо киллэриигэ агрохолдины – “Туймаада” УХАПК Ауо баазатыгар агропромышленнай оҥорон таһаарыыны өйүүр фонданы тэрийэр үлэ саҕаланна. Бу тэрилтэ тыа хаһаайыстыбатын тэрилтэлэрин соҕотуопка, астааһын-таҥастааһын уонна олохтоох бородууксуйаны батарыы ырыынагын кэҥэтиигэ усулуобуйалары тэрийии боппуруостарын түмүөҕэ.
Фонда өрөспүүбүлүкэ тыа хаһаайыстыбатын тэрилтэлэригэр сааскы хонуу үлэтин ыытыыга, тыа хаһаайыстыбатын бородууксуйатын соҕотуопкалааһыҥҥа, производственнай эбийиэктэри тутууну уонна саҥардан оҥорууну кытта сибээстээх инвестиционнай бырайыактары олоххо киллэриигэ иэс харчы биэриэҕэ.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата