“Доруобуйа харыстабыла” национальнай бырайыак доруобуйа харыстабылын бастакы сүһүөх звенотун модернизациялааһын бырагырааматынан Айхал куорат поликлиникатыгар рентгент саҥа аппараата аҕалылынна.
edersaas.ru
Арассыыйа «Дуограф» Р-500 саҥа стационарнай рентген-диагностикалыыр аппараата чинчийии бириэмэтин кылгатар уонна ордук элбэх иһитиннэриини биэрэр кыахтаах.
“Бу сыыппаралаах комплекска рентген-чинчийии киэҥник оҥоһуллар уонна үрдүк хаачыстыбалаах рентген-хаартыскалар тута оҥоһуллаллар. Ону таһынан мэдиссиинискэй иһитиннэрэр систиэмэлээх буолан, хаартыскалар тута рентген архыыбыгар киирэллэр. Онон, быраас көмпүүтэргэ көрүөн уонна кумааҕыга таһааран биэриэн сөп (аппараат бэйэтигэр принтердээх)” – диэн доруобуйа харыстабылын миниистирэ Лена Афанасьева саҥа аппараат уратытын билиһиннэрдэ.
Надежда ЕГОРОВА, «Саха сирэ» хаһыат, edersaas.ru