Суолталаах Экэниэмикэ

Айхал Габышев: «Саҥа бырайыак тыа сиригэр кэтэх дьиэни тутууга төһүү күүһүнэн буолуоҕа»

Бу күннэргэ Ил Дархан Айсен Николаев кэтэх дьиэлэри тутууга кирэдьиити көрүүгэ пилотнай бырайыагы олоххо киллэриини  саҕалыырга сорудахтаата.

«Тыа сиригэр дьиэни бэдэрээччитэ суох, бэйэ кыаҕынан тутуу тарҕаммыт үгэс, онон бу бырагыраама биһиги өрөспүүбүлүкэбитигэр бэрт туһалаах буолуон сөп. Муниципальнай тэриллиилэри кытта бииргэ үлэлэһэн, бырайыагы олоххо киллэрэн дьоҥҥо көмө буолуох тустаахпыт. Бырайыак олоххо киирдэҕинэ, тыа сиригэр олорор дьон 6 мөл. солк. тиийэр үбү 9 %-наах  кирэдьиит быһыытынан ылыахтарын сөп», — диэн Айсен Николаев быһаарбыта.

Айхал Габышев, Саха сирин  уонна  Уһук Илиҥҥи федеральнай уокурук тутааччыларын түмсүүлэрин салайааччыта:

— Ил Дархан Айсен Николаев дьаһалынан тыа сиригэр  дьиэни туттар дьон 6 мөл. солк тиийэр үбү 9 %-наах  кирэдьиит быһыытынан ылыахтара. Бу кэскиллээх, көдьүүстээх бырагыраама буолуоҕа. Нэһилиэктэргэ дьиэни тутуу элбиэҕэ. 2019 сылтан Уһук Илиҥҥи федеральнай уокурукка олорор дьоҥҥо анаан бэриллэр ипэтиэкэнэн Саха сиригэр 39 млрд солк. сууммаҕа 8970 дуогабар баттаммыта элбэҕи туоһулуур.

Саха сиригэр Ийэ сылын чэрчитинэн, кэтэх дьиэни тутууга өйөбүл оҥоһуллубута олус сөптөөх дьаһал. Бу дьаһалы бары өйүөх тустаахпыт, биһиги дьиэ бырайыактарын нэһилиэк баһылыктарыгар тиксэриэхпит. Өскөтүн, Сахабыт сиригэр былырыын 578 тыһ. кв.м.иэннээх дьиэ тутуллубут буоллаҕына, быйыл өссө элбэх дьиэни тутарбытыгар бу дьаһал улахан төһүү күүһүнэн буолуоҕа. Онон Ил Дархаммыт дьаһалын өйүөхтээхпит, дьаһал олоххо киирэригэр күүскэ үлэлиэх тустаахпыт!

 

1
0
Telegram @edersaas20