Айдар Иванов СӨ борокуруорун эбээһинэһин толорооччунан ананна

Бөлөххө киир:

Биэдэмистибэ саайтыгар Саха сирин борокуруорун маҥнайгы солбуйааччыта Айдар Иванов СӨ борокуруорун эбээһинэһин толорооччунан ананна диэн иһитиннэрии таҕыста.

edersaas.ru

2019 сыл олунньу ыйыгар диэри  өрөспүүбүлүкэ борокуруора Николай Пилипчук этэ. Кини Приморскай кыраай борокуратууратын салайааччытынан ананан барбыта. Пилипчук кэнниттэн өрөспүүбүлүкэ борокуруорунан Олег Нарковскай үлэлээбитэ.   Санатар буоллахха, ааспыт сыл ахсынньытыгар ыарахан ыарыыттан суох буолбута.

Ыспыраапка:

Иванов Айдар Лазаревич 1970 сыллаахха Үөһээ Бүлүү улууһун Өргүөт сэлиэнньэтигэр төрөөбүтэ. 2001 сыллаахха профсоюзтар Санкт-Петербургтааҕы  гуманитарнай университеттарын бүтэрбитэ.

1995 с. — Орто Халыма борокуруорун көмөлөһөөччүтэ;

2000 с. — Дьокуускай борокуруорун старшай көмөлөһөөччүтэ;

2004 сыл олунньутуттан  — СӨ борокуратууратын силиэстийэни, маҥнайгы силиэстийэни уонна көрдүүр-ирдиир үлэни надзордуур отделын борокуруора;

2004 сыл алтынньытыттан — Мииринэй оройуонун Удачнай куоратын борокуруора;

2006 сыл атырдьах ыйыттан — Алдан оройуонун борокуруора;

2011 сыл муус устарыттан — СӨ борокуруорун маҥнайгы солбуйааччыта;

2019 сыл олунньутуттан  — СӨ борокуруорун эбээһинэһин толорооччу;

2019 сыл от ыйыттан —СӨ борокуруорун маҥнайгы солбуйааччыта

Алдан оройуонун бочуоттаах олохтооҕо.

Виктория Бястинова, edersaas.ru

+1
0
+1
0
+1
0
+1
0
+1
0
+1
0
+1
0